“It ought to be beautiful, I live here.”

திருமிகு மெங்கள் யாழ்நகர்க் கணியாய்த்

திகழ்ந்திடும் கல்லூரி - எங்கள்

பெரு வரு மிந்துப் பெண்களுக் கொளியாய்ப்

பிறங்கிடுங் கல்லூரி - உயர்

மருவுறு கலைகள் யாவையும் மின்பாய்

வழங்கிடுங் கல்லூரி - உனைப்

பெருகிடும் அன்பால் புந்தியில் வைத்துன்

புகழினை வாழ்த்தோமோ - உனை

வந்தே மாதரம் வந்தே மாதரம்

என்று வணங்கோமோ.

இந்து மதப் புகழ் எங்கும் விளங்கிட

இசைந்திடுங் கல்லூரி - இயல்

சிந்தை வளம் பெற மெய்ப் பொருளறிவைச்

சேர்த்திடுங் கல்லூரி - வளர்

செந்தமிழ் ஆங்கில வடமொழி அறிவைச்

சுரந்திடுங் கல்லூரி - உனை

வந்தனை செய்து பைந்தமிழ் மாலை

வாழ்த் தொடுசூ டோமோ - உனை

வந்தே மாதரம் வந்தே மாதரம்

என்று வணங்கோமோ.

மங்கையர் மாண்பை மன்பதை அறிய

முழங்கிடுங் கல்லூரி - ஒளி

பொங்குயர் அறிவுச் சுடரினை யுளத்திற்

பொறித்திடுங் கல்லூரி - இந்து

நங்கையர் வாழ்வின் லட்சிய மனைத்தும்

நல்கிடுங் கல்லூரி - உனை

அங்கையில் மலர்கொண் டன்புடன் பாடி

அனுதினம் ஏத்தோமோ - உனை

வந்தே மாதரம் வந்தே மாதரம்

என்று வணங்கோமோ.

கலைமகள் உலவக் களிநடம் புரியக்

கண்டிடுங் கல்லூரி - என்றும்

மலைமகள் கொழுநன் மலரடி போற்றி

மாண்புறுங் கல்லூரி - நித்தம்

நிலமகள் நெற்றித் திலகமென் றேத்த

நிலைத்திடுங் கல்லூரி - உனைத்

தலைமுறையாகத் தொழு துளங் குளிரத்

துதி சொல்லிப் பாடோமோ - உனை

வந்தே மாதரம் வந்தே மாதரம்

என்று வணங்கோமோ.